Derma Health

مكنتش اتمنى اكتب الريڤو ده عن الليزر عشان كنت واثقة جدا في المكان وعملت عنده ليزر من نص السنة اللي فاتت بانتظام، فضلت مصدقة كل اللي بيقولوه حتى وهما ببشككوا في كلامي عشان صاحبتي رشحت لي المكان لما جربته من كذا سنة بجهاز ليزر تاني. كنت بدأت جلسة واحدة في مكان تاني ارخص واقرب ليا بس مش منظمين في المواعيد وفعلا روحت اعمل half leg+ underarm ب 700 مع اني مش عايزه عرض underarm بس هما قالولي مينفعش فبقيت اروح اعمل ليزر half leg بس. ١- بدأت الاحظ اختلاف النتايج كل مرة، مرة شعر قليل ومرة شعر كتير اوي وpatches بس فضلت اصدق الكلام واشك في نفسي. ٢- لقيت الدكتورة مبتعديش على نفس المنطقة بنفس عدد المرات زي ما دكتورة تانية في نفس المكان ما شرحت لي ولما سألتها قالتلي عادي هنعدي المرات الجاية وده خلى patches تزيد. ٣-فضلت واثقة في كلامهم لغاية ما بدأت الاحظ التناقضات في الكلام ولما ركزت لقيت اني وصلت السيشن السابعة من الليزر بدرجة جهاز قليلة ونتيجة محبطة. ٤- في السشن السابعة قابلت دكتور ياسمين كنت اول مرة نتقابل، اول ما حاولت اعبر بس اني محبطة اضايقت حدا وبدأت تشكك في كلامي بشكل يفتقد اي مهنية وذوق لدرجة اني بقولها مش ان الشعر مبيقعش قالتلي ازاي اكيد بيقع واني مش واخده بالك فا ارد واقولها ازاي؟ تقولي تلاقيكي مشغولة ولا عندك مشكلة صحية!! - قالتلي مش لازم جهاز الليزر يوجعك بس لازم تكوني حاسة بيه وده مش كلام الدكتورة اللي عملت عندها اغلب المرات عندهم و اللي كانت بتقولي المهم الجهاز يطلع صوت بس ولما كنت بقولها انا مش حاسة باي حاجة تقولي عادي. - اما قولت لدكتورة ياسمين تعلي درجة الجهاز لاني مش حاسه بالليزر انفعلت جدا وقالتلي انا بشرتي افتح منك وبعمله على ١٦ يبقى انتي ١٨ ولو حصلك حاجة انا مش مسؤلة..قولتها لو سمحتي خليه ٢٠ انا مش حاسه باي وجع خفيف ولا انتيجة. - لما علت الدرجة كانت اول سشن احس النتيجة واضحة والشعر بيقع واللي موقعش لما بشده حتى بتشال فأيدي. ٥- بعد السشن التامنة الشعر طالع طويل وpatches حتت اه وحتت لا خصوصا المناطق اللي كانت دكتور بسمة مبتأكدش عليهم بنفس عدد المرات ومضطرة احاول ادور على مكان تاني اكمل عندهم عشان مخسرش كل المجهود اللي ضاع في sessions بدرجة جهاز قليلة وعدم إتقان وامانة. كان عندي استعداد اروحلهم مليون بس لو جسمي محتاج من غير محس بقلة ذوق و تلاعب بالكلام وتعمد تقليل سرعة الجهاز عشان ال٨ مرات اللي كانت الناس بتعملهم وتأكد مرة في السنة يبقوا عدد لانهائي من المرات والفلوس.

النتيجة مذهلة من أول مرة (ودا مش العادي معايا) دكتورة ميريام professional و فريندلي أوي أوي ف نفس الوقت ودا ميكس مش موجود ف أي حد! مفيش حروق ولا أي آثار وكل الأدوات متوفرة بزيادة (كريمات التهابات، كريمات مخدر موضعي، چل، وايبس، مناديل الملاية بتتغير مع كل شخص) والحمام نضيف جدًا وعشان نضافة المكان تستحق الفلوس بصراحة. كان ممكن الريسبشنست تبقى فريندلي أكتر شوية ولكن هي مش قليلة الذوق خالص، she’s acceptable. ‏overall تحفة واكيد مش اول ولا آخر مرة.

المكان اللي يدور علي العملاء ويحل مشاكلهم روح له وانت مطمئن وانا لمست الموضوع دا عندهم أن شاء الله اتعامل مع المكان واكون مبسوط زي ما اهتمو بالكومنت السلبي وشكرا جزيلا

دكتور ندي نصير فرع الدقي بجد شاطرة جدا ومحترفه في شغلها الفرع نفسه ال Staff ناس ذوق جدا ومحترفين في شغلهم في التعامل

انضف عيادة جلدية بجد شكر خاص لدكتورة ايريني ابراهيم بجد في منتهي الشطارة انا معاها بقالي سنتين وبجد في منتهي الذوق والشطارة♥️♥️♥️♥️♥️♥️