Ideal House

تجربتي معاهم في منتهى السوء وانا بفرش بيتي اشترينا منهم انتريه ومكنش سعره رخيص، وهم بيطلعوه كسروا رجل الكنبة الكبيرة وكنا قبل اجازة عيد اضطرينا نستنى كتير عشان يغيروا الشاسيه بتاع الكنبة ولما غيروا الشاسيه بعدها بحوالي اربع شهور الرجل اتكسرت تاني واحنا عندنا ضيوف والكنبة كان قاعد عليها فردين فقط مع العلم هي تشيل اربع افراد مع العلم ان الانتريه ف الريسبشن للضيوف فقط اللي هم ماجوش غير مرتين او حاجة ومابنقعدش عليه خالص كل قعدتنا ف الليڤنج روم، المهم كلمناهم عشان يغيروا الشاسيه لتاني مرة جم خدوه وجابولنا نفس الشاسيه والرجل المكسورة ملزوقة لزق اي كلام واصلا لما الرجل اتكسرت الرجول الباقية بردو اتأثرت وحصل فيها شرخ يعني كان لازم يتغير كله، كلمناهم لتالت مرة يا جماعة مش هنستلم الكلام ده الشاسيه بايظ خالص قالوا خلاص هنعمل واحد جديد عشان اصلا في مشكلة ف الديزاين والتحميل بتاع الكنبة جابوا الشاسيه الجديد مقاساته مش مظبوطه والصنايعي جه مش معاه عده مناسبة للتركيب جه من ناحية في الكنبة ماكنتش راضية تركب عشان الخرم مترحل خرم فيها خرمين كمان وده طبعا غلط وبيضعف الخشب وفضل بيحاول وبردو مانفعش كان لازم مسامير طويلة طبعا ماعهوش، كلمنا خدمة العملاء تاني قولنالهم اللي حاصل قالوا لا هو مسؤول يركبه وينزل يشتري مسامير طويلة ومش عارف ايه طب مش معاه بونطه خشابي نزل يشتري واحدة بردو فضلنا في القصة دي لحد ما لصم الشاسيه وركبوا بعد ما بهدل الكنبة والكاڤر من تحت اتهرى عمري ما هتعامل معاهم ولا ارشحهم لحد تاني أبدا وفقدت الثقة تماما فيهم اتمنى بس الشاسيه مايتكسرش للمرة التالتة عشان فعلا تعبنا

اسوأ خدمة ما بعد البيع ممكن تقابلها اشتريت منهم سفره و اخدوا كل فلوسهم في الاول و وصلت من غير مقابض و لا استورجي و قعدوا ٣ شهور بعد مكالمات و شكاوي كتير علي م جابوا المقابض و الاستورجي مكان مش موثوق فيه ولا انصح بحد يتعامل معاه ى لا فيه متابعة مع المشتري المهم يخدوا فلوسهم و بس

انا اشتريت طقم جميل جدا يعتبر ايقونة بيتي🌹🌹🤍

خدمه مابعد البيع سيئه جدا

موديلات جديد وخامات من الخشب الطبيعي عالية الجودة