الأراضى المقدسة للسياحة

الخدمة سيئة جدًا، مفيش باصات من الفندق، ولازم نستنى ساعتين قبل وبعد كل صلاة عشان نروح ونرجع من الفندق للحرم وفى ايام ركبت تاكسي على حسابي عشان الحق الصلاة فى الحرم وكأن ده مش كفاية، الدخول للحرم من الجهة الشرقية كارثة، المنطقة تحت الإنشاء، ولازم نمشي أكتر من كيلو ونص ونعبر كوبري علوي عشان نوصل لأقرب بوابة لدخول مسجد الحرم باداء الصلوات ! أما بقى الفندق، فحدث ياسيدى ولا حرج! مستواه سيئ جدًا، خسارة فيه حتى نجمة! المكان مش نضيف، السباكة بايظة، التكييف عطلان والكهرباء خربانة، والهوس كيبنج مشفناهوش 8 أيام كاملة! موتنا من الحر جوه الأوضة! رائحة الدور فى الفندق كريهة تحس أنه رائحة فضلات قطط كل الكلام اللي قالوه وقت الحجز طلع كدب، مفيش وعد واحد اتحقق! واشهد الله ان كل كلمة بقولها صحيحة وموثقها بالفيديوهات وبصوتي دافع 45250 جنية للفرد فى غرفة ثنائية حرام أحصل على خدمة زفت زى دى حسبي الله ونعم الوكيل، دعيت عليكم عند الكعبة. ولن انصح إى حد من دائرة معارفي الكبيرة بالاراضى المقدسة.

أخدت انطباع سيء جدا عن الشركة دي بعد ما تواصلت مع أحد موظفيها بالأمس للاتفاق على الحجز في رحلة عمرة، وبالفعل اتفقت وأكدت الحجز، وعندما ذهبت اليوم لمقر الشركة في النبي دانيال حيث مكان متسع ومكتب لكل موظف في مظهر يوحي بأنها شركة كبيرة لكن الواقع شيء آخر، وبعد أن كتب لي الموظف إيصال بالمبلغ المقدم وقمت بالدفع، أفاجأ بأن الموظف الآخر المسئول بجواره يخبره انه لا توجد أماكن في هذه الرحلة!! يعني تضييع وقت ومجهود على العميل دون حتى اعتذار من الشركة! استرددت المبلغ في ساعتها ورفضت الإبقاء على الباسبور كما اقترح أحدهم لحد اليوم التالي لمحاولة إيجاد مكان لا أعرف كيف وزميله يقول الرحلة اتقفلت؟ ويقترح رحلات أخرى في مواعيد غير مناسبة وفنادق بعيدة غير البرنامج اللي كنت قد اخترته! هذه الفوضى في التعامل والاتفاقات مع العميل تعكس ان هناك مشكلة لديهم في الإدارة والتنسيق الداخلي بين الموظفين، وتفقد الثقة في قدرتهم على الالتزام في أي رحلة ينظمونها.

Sooooo bad ,شركه نصابه ومفيش كلمه بيقولوها بيعملوها دافعين مستوي مميز منزلنا في مستوي زي الزفت غيروا في الفنادق الي متفقين عليها ممرمطنا في الفنادق وحسبي الله ونعم الركيل علي البهدله الي احنا فيها دي ارضي زفته علي دمغهم مش اراضي مقدسه بعد ما سكنونا في الفندق بتاعنا عايزين يطلعونا تاني بالقوه والعافيه في فندق اقل من فلوسنا غير النصب في فندق المدينه والوكيل السعودي رافع ايده من كل حاجه وحسبي الله ونعم الوكيل ومش هنسيب حقنا ومنصحش ابدا ابدا حد يطلع معاهم عشان بيضربوا الناس علي قفاهم ونصابين

شركة سيئة جدًا و نصابة خاصًة في الحج. والدتي طلعت معاهم في موسم حج ٢٠٢٤ و لم يقدموا اي خدمات و تركوا الحجاج للموت حرفيًا. لا انصح احد بالتعامل معهم

اتصلت ب الأستاذ ياسر فرع الأقصر بيقولي الشركات كتير مافيش حجز عندنا بسبب خلاف قديم في رحله الغردقة مافيش اي احترام للعميل