Brazilian Microblading

اسوأ تجربة الحقيقة كذب ونصب شعري ما كملش ال٣ شهور وباظ تاني برغم اني عاملاله معالجة اقل حاجة سنة وحجتهم اصلك ما اشتريتيش منتجاتنا بتاعت ما بعد المعالجة مع اني اشتريت واستخدمتها طوال شهرين واتصلن اشتكيت ومفيش اي رد فعل

أسوأ تجربة في حياتي! 👎 رحت Brazilian Beauty Center فرع الإسكندرية وكانت تجربة سيئة جدًا من أول لحظة. المعاملة غير محترمة تمامًا، والنتيجة كانت كارثية. بوّظولي شعري تمامًا، وسببولي حساسية فظيعة، وجلد راسي كان كله أحمر وملتهب! رجعت البيت لقيت لسه فيه product في شعري، وده معناه إنهم لا غسلوه كويس ولا اهتموا بالنظافة. لما كلمتهم اشتكيت، قالولي تعالي نغسل شعرك تاني، وبعد كده قالولي إنه “مكانش فيه حاجة”! وكإن المشكلة فيا أنا مش فيهم! دا غير ان شعري يبان شكله حلو بس للأسف بقي بيقع اكتر بكتير من الاول و بقي فيه قشر بطريقه غريبه و ريحته دايما كانّه محروق. اتعاملوا معايا بأسلوب في منتهى قلة الذوق، ولما قلت إن ده مش professional وإني متضايقة، كانوا بيسخروا من كلامي، وطلعوني كذابة حتى بعد ما بعتلهم فيديو يثبت إن شعري فيه بواقي المنتج! ولما حاولت أعمل شكوى رسمية بالتليفون، الموظفة قفلت الخط في وشي بمنتهى قلة الاحترام. وفوق كل ده، السعر كان غالي بطريقة مبالغ فيها جدًا، ومع ذلك ما رضيوش يقولولي السعر قبل ما يبتدوا. دخلوني على الجلسة وحطوني قدام الأمر الواقع، فاجئوني بالسعر بعد ما غسلولي شعري وكأني لازم أدفع وخلاص! وخلوني دفعت قبل ما اكمل الجلسه ،،وده تصرّف غير مهني تمامًا. بجد ما أنصحش أي حد يروح عندهم، لأن لا في ضمير ولا احترافية ولا احترام للعميل.

مساء الخير انا جيت المكان ف اسكندريه سابا باشا ع اساس اعمل ميكرو والريسبشن قالتلي هتعمل نانو مش ميكرو والارتيست رشحتلي النانو بليدنج لحواجبي وعملتها بالفعل ودفعت المبلغ وجيت فالريفيل دفعت تاني وعملتها وهي مش عجباني خالص مع ان الشكل من البدايه مكنش احسن حاجه وقعدو يقنعوني بانها تحفه وهي ولا شكل حواجبي ولا لون حواجبي والحاجب لحد بره العين طويل جدا وغامقه عملنهالي اسود وبيقولو دي دارك براون وحقيقي مش حلوه أبدا وتجربه سيئه حتي راس الحاجب صغيره ودفنولي عيني وكلموني عشان اعمل ريفيل تالت ف حاجه مش مقتنعه بيها اصلا ومش بيحلو معايا خالص لكن لا ضرر ولا ضرار ارجو التواصل معايا ضروري

أنا شعري قصير ومتوسط الكثافة عملته من أسبوع بالظبط ب٣ أضعاف أسعار الناس اللي بره علي أساس انه مش هيقع وهيبقي متحافظ عليه بس قلت مش مشكله الفلوس طالما مش هيقع كثافة شعري قلت خلال الأسبوع ده النص تقريبا شعري بيقع بطريقة بشعه والشعر كانّه محروق غير ريحته السيئة جدا اللي مش بتروح مكان نصاب وأنا مش اول مره اعمله والله ما في اي فرق بينه وبين الكوافيرات اللي تحت السلم اللي بتعمله بالعكس ده اسوأ بجد…..

مساء الخير أنا عملت تريتمنت لبنتي فرع اسكندريه من أسبوعين ومفروض مضيت ع ورقه أن الفرد من ٧٠ ل٨٠ ٪؜ ع اساس مواد طبيعه وكده أنا جبت المكان علي سمعته واسمه ودفعت الفلوس اللي اطلبت مني ٩٠٠٠ بنتي استحمت مرتين كل مره بيبوظ من ورا اكتر صراحه ف حاجه غريبه وانا كمان عامله يعني دافعه ١٤ الف أنا شعري كويس لانه كان جذور لكن بنتي لا معني كده انو متفردش كويس انا مستغربه من المكان ومكنتش متوقعه مكان زيكم يكون دي النتيجه ودخلت عالكومنتات لقيت نفس الشكوي.