Gory & Amany

❌❌❌❌❌انا روحت اشتريت فستان يوم ٢٧ ديسمبر (يوم الجمعه) بصراحه الناس كانت لطيفه وكل حاجه قولت للبنت الفستان عاوز يتظبط شويه قالتلي مفيش مشكله عندنا مصنع بنظبط الحاجه لو عاوزه دلوقتي هظبطهولك (الجمعه) بس الافضل يبقى قبل الفرح عشان لو زيدتي او خسيتي يكون مظبوط حتى في عروسه كانت شاريه وجايه النهارده تعمل بروفه وتظبط الفستان والعروسه بالفعل اتصلت واحنا موجودين وقالتلها تعالي يلا مستنياكي ، عرفتها اننا جايين من محافظه بعيد عن القاهره واحنا شغالين انا وخطيبي قالت خليكي قبل الفرح احسن، بعتتلهم يوم الخميس اتاكد انهم فاتحين الجمعه عشان عندي بروفه قالت ايوا موجودين واتصلي اكدي المعاد ، اتصلت بصاحبه المكان بتتكلم بمنتهى التناكه وتقولي انا معنديش جمعه وسبت بروفات قولتلها طب مقولتوليش ليه يوم مابشتري انا معرفه البنت اني جايه من بعيد تقولي روحي شوفي العقد مكتوب فيه ايه وادي العقد ي جماعه شوفو مكتوب فيه ايه يمكن مش واخده بالي ، طبعا اتوترت وقولتلها انا وخطيبي شغالين مش هنعرف نيجي ف نص الاسبوع احنا مش قريبين منكم مقولتلوش ليه انه نظامكم كدا واحنا بنشتري كنا عملنا حسابنا وظبطناه يومها واحنا بنستلمه زهقت عليا وشتمت وقفلت الموبايل ف وشي ،وبعدها بعتتلها ان اسلوبهم وحش وخدمه مابعد البيع زفت وهنزل ريفيو وحش عنهم راحت باعته لخطيبي الكلام دا واعملو ال انتو عاوزينه ، اسلوب مش متحضر ومفيش مراعاه للناس وقلت ذوق ف التعامل وقت الشرا واستلام الفلوس بيكونو ذوق بعد كدا قلت ذوق وتناكه ونظام تدبيس ، لو رجع بيا الوقت كنت اشتريت من اتيليه تاني ارخص كتير اوي بالسعر والتعامل افضل من كدا بكتير ، اي عروسه عاوزه يتكسر بنفسها قبل فرحها تروح تحجز عند جورى واماني ❌❌❌❌❌❌❌