Seven Stars Travel

من اسوأ الشركات اللي ممكن تشوفها واللي حصل في الرحلة من اسوأ ما يكون شركة كدابين ومصابين من اول حجز الفنادق اللي اتغير من اول وصول للمدينة ومكة أيضا والتعامل مع المعتمرين بسياسة الأمر الواقع وده الفندق المتاح إذا كان عجبكوا والفنادق اللي تم تغييرها من اسوأ ما يكون وكدبهم في عدم حجز الروضة الشريفة ومنع الناس من دخولها والتعامل مع المعتمرين بأسلوب أسوأ ما يكون وواحد اسمه ثابت بيقول للناس اللي مش عاجبه يشرب من زمزم وعدم مسؤوليتهم عن السيدات الكبيرة في سن وسابونا قاعدين اكتر من 5 ساعات بعد سفر 10 ساعات لحد ما لقوا حجز في الفندق وتم تسكين الناس بجد انا ما شوفتش ناس وبتعمل كده في حد رايح يزور بيت ربنا وايضا لا يوجد مشرف ديني ولما الناس بتسال علي مناسك العمره لأنهم اول مره يقوله ادخل دور بنفسك علي الانترنت وتم ترك بعض السيدات وراحوا المزارات بتاكسي عشان اتاخرو شويه عن الباص بدون ما حد يكلمهم أو يخلط عليهم في الغرف يعرف سبب التأخير ايه والمشرف مكنش يعرف مين اللي متغيب ولا اسمائهم ولا هما راكبو ولا مركبوش ولما واحده من الفوج تعبت جدا قال للناس اللي معاها في الغرفه ودورها المستشفي رغم أن الاسره دي كانو سيدات لوحدهم مش معاهم رجاله ولما الناس اللي متحجزلهمش الروضه اضايقو قالهم وفيها ايه يعني لو مدخلتوش دي مش حاجه اساسيه في مناسك العمره ولما قالو احنا مش هنمشي لما دخلنا قالهم براحتكم انا همشي اروح مكه اللي عايز يمشي معانا يمشي واللي مش عايز براحته وياريت وزاره السياحه تشوف حل مع الشركه دي لأن حرام الناس اللي طالعه تعتمر يحصل فيهم كدا

حسبي الله ونعم الوكيل في دي شركة بجد واللي عملوه فينا شركة نصابين ولا يوجد لديهم اي مصداقية نهائيا بيكدبوا علينا من اول يوم وتم تغيير البرنامج الي الذهاب للمدينة اولا بعد النزول في مطار جدة ركبنا الباص لمدة 8 ساعات ولما سألنا ليه ما نزلنا مطار المدينة زي ما بلغتنا او تم الاتفاق عليه كان الرد غريب جدا انه الطيران اغلي بالرغم من دفعنا احنا لده اصلا وعندما تم الوصول للمدينه تم تغيير الفندق اللي تم ابلاغنا به ومما اضطرهم إننا نفضل 5 ساعات لحد ما تم حجز فندق اخر وطبعا نفس الشيء حصل في مكة أيضا وتم تغيير الفندق المتفق عليه بفندق أسوأ وعندما تم الاعتراض علي نضافة الفندق كان الرد من أغرب ما يكون من المشرف اللي اسمه ثابت انه اللي مش عاجبه يشرب من زمزم والتعامل مع المعتمرين بأسلوب غير لائق ولا يوجد بع اي احترام وأننا عاملين اللي علينا وكل الشركات بيحصل فيها كده مع اني اوا مرة اشوف كده اصلا وايضا لم يتم حجز الروضة الشريفة بالرغم من سواله اكتر من مرة وكل مرة يأكد انه فيه حجز ومش محتاجين تحجزوا تاني وفي الاخر يقول للناس دي اصلا مش ركن اساسي للعمرة بكل بساطة بالرغم قهوة الناس وانه شاف ناس بتعيط عشان نفسها تدخل واول مرة تروح تعمل عمرة. مش بس كده كمان مفيش اي مشرف ديني ولما الناس بتسأل انها اول مرة تعمل عمرة وعايزة تعرف المناسك بالظبط يرد عليهم انه دوروا علي النت وهتعرفوا لوحدكوا اومال انا طالعة مع شركة ليه. بجد شركة سيئة جدا ولا توتمن علي سفر سيدات لوحدهم معاهم لأنهم غير مسؤولين بالمرة بجد حسبي ونعم الوكيل فيهم كلهم وفي صاحب شركة زي دي ربنا ينتقم منه

اسوء شركه ممكن حد يتعامل معاها في الدنيا مفيش حاجه في برنامج الرحله بتلاقيها ولما بتسال فين يا جماعه اللي اتفقنا عليه بيبحجو ويقلو ادابهم عليك وواحد منهم اسمه ثابت قد يقول للناس اللي مش عجبه يشرب من ... من زمزم انا قالي هجزلك روضه شريفه وطلع محجزليش ومعرفتش ادخل اتفقت علي فندق معين كنت عايزاه هو اتحجزلي فندق تاني اللي في الاول اعترضت عليه وحطوني انا واهلي قدام الامر الواقع واستاذ ثابت المشرف لما قولتله انا مش هنزل من الاتوبيس قالي خليكي متنزليش براحتك وحاجه منتهي قله الذوق كله كدب كدب ولطعونا في اوتيل المدينه اكتر من ٤ ساعات عشان نتسكن واحنا جايين من سفر طياره وسفر من جده للمدينه ٧ ساعات وصلنا الساعه ١٢ الضهر قالنا معلش هنستحمل لحد الساعه ٢ بس وهسلمكم الغرف وفضل قاعدين لحد ٤ ونص دا غير ان مفيش مشرف عمل معانا العمره ولا شرحلنا مفروض نعمل ايه في المناسك واحنا كنا اول مره واتاخرنا شويه علي الاتوبيس اللي رايح مزارات المدينه سابونا ومشيو محدش فكر يكلمنا او يخبط علينا ودا كدا وانا صراحا مش قايلاه كل حاجه في حاجات اسوء كتير فاي حد يشوف اسم الشركه يهرب بجد لانك مش هتعرف تستمتع بالرحله من كتر مانت بيتحرق دمك

اسوء شركه ممكن حد يتعامل معاها حقيقي شركه سيئه سيئه جدا لا في احترام مواعيد ولا في حد يرشدنا نعمل ايه ولا نقول ايه في العمره ولا ايه حاجه ده غير الاسلوب والمعامله السيئه حسبي الله ونعم الوكيل

شركه سيئه جدا انصح بعدم التعامل معاها نهائي غير ملتزمين باي شي بيقولوه