La Novia

مساء الخير🥰 أنا فرحي كان ٧/ ٦، الفستان كان جمييييل جدًااا جدًااا، كل حاجة فيه كانت تحفة ومظبوط عليا،، وده اللي أنا كنت بدور عليه بالظبط،، كان مريح ليا جدًا يوم الفرح، ماتعورتش ولا حاجة وجعتني فيه،، بس عايزة فعلًا أتكلم عن المعاملة بتاعة البنات في المكان،، بجد أحلى وأحسن تعامل مع العملاء بتوعهم،، نضافة ومساعدة بشكل رهيب ومتفاهميين جدًاا،، فعلًا تجربتي كانت جميلة جدًاا، البنوتة آية كانت جميلة جدًاا معايا في البروڤات ومتعاونة وعايزة تساعدني وتعملي اللي أنا عايزاه،، وسمر ساعدتنا جدًاا وسمعت كل التفاصيل وعملتهالي،، بشكركم جدًااااتبسط جدًااااا من المكان والفستان،، حقيقي كنت عايزة فستان راقي ولاقيته عندكم بعد ما كذا حد قالي مش هتلاقي الاستايل ده في اى حتة ولازم تفصليه شكرًااا ليكم🥰🥰❤️

الفستان تحفة يجنن والمكان جميل جدا وايه وسمر كانوا تحفه متعاونين جدا ومش بيفتوا اى تفصيله ولازم تكون راضى ١٠٠٪؜ شكرا جدا للمكان بجد والفساتين كلها احلى من بعض ❤️❤️

المفروض إن المكان ده عنده خبرة وبيفهم في شغل الفساتين على كلامكم انت م مش هواه فاعتمدنا عليكم في التعديلات.و لو حاجة مش هتنفع، المفروض تقولولنا او تقترحوا بديل. الفستان طلع حاجة تانية خالص. مش بفترى عليكم باين عليه إنه مش معمول على مقاسها خالص، شكله سايب ومالوش شكل طلبنا أي حل: تصليح، تغيير، حتى استرجاع المبلغ. الرد كان حرفيًا: “مش هنعمل حاجة، الفستان كده، وخلاص”. لا مرونة، ولا احترام للموقف. والد العروسة، طبيعي جدًا إنه يخرج عن شعوره لما بنته تنهار، والفرح خلاص. حاول يتكلم بالعقل والأدب، لكن ردودكم باردة ومفيش أي اهتمام، اضطر يرفع صوته. يعني إيه أب يشوف بنته مكسورة ويسكت؟ انفعاله كان طبيعي جدًا، وأي حد مكانه كان هيتصرف بنفس الطريقة.

التجربة دي كانت مؤلمة جدًا، وضيّعت لحظة كانت المفروض تبقى من أسعد لحظات حياة أختي إحنا كنا حاجزين فستان فرح إيجار “استخدام أول” من شهر مارس، وكان فيه اتفاق واضح إن التعديلات تبدأ قبل الفرح بعشر أيام. أول بروفة كانت علشان ياخدوا المقاسات. في البروفة التانية، الفستان كان لسه واسع جدًا وطوله ما اتظبطش، بس قالولنا: “هنظبطه في البروفة الجاية.” لكن الصدمة كانت في البروفة الأخيرة قبل الفرح بيوم واحد لما لقينا إن الفستان مش زي اللي اتفقنا عليه خالص. كان مكشكش من تحت ومش مظبوط من قدام أختي وقفت قدام المراية وهي بتعيط. إحنا ما طلبناش حاجة كبيرة – بس مساعدة بسيطة علشان الفستان يليق بيها وتبقى مبسوطة. بس بدل ما يساعدونا، اتعاملوا معانا ببرود وكأنهم مش فارق معاهم، مع إنهم عارفين إن الفرح تاني يوم أبويا، زي أي أب، اتألم وهو شايف بنته في الحالة دي، وراح حتى عرض يدفع مبلغ زيادة وبرضه ما حصلش أي تغيير حاولنا نحل الموضوع وكلمنا صاحبة المحل على أمل إننا نلاقي تفاهم، لكن اتصدمنا بتصرفات هجومية وغير مهنية، وكمان اتهمتنا باتهامات غلط. قالت إننا عايزين نلغي الإيجار علشان لقينا فستان تاني وده مش حقيقي إحنا اضطرينا ندور على فستان جديد قبل الفرح بأقل من 24 ساعة، وده باين في نسخة العقد اللي خدناها من المحل التاني للأسف، بعد ما أختي كتبت تقييم صادق، صاحبة المحل مسحته وردّت عليه بطريقة عدوانية، وبعدين اتهمتنا إننا بنضايقها وبنكتب تقييمات مزيفة. مع إن كل واحد كتب تقييمه بناءً على اللي شافه بنفسه من سوء المعاملة اللي أختي اتعرضت ليها وحتى لما طلبنا نرجع جزء من المبلغ، زي ما مكتوب بوضوح في عقد الإيجار، المحل رفض وده يعتبر خرق للعقد. ولحسن الحظ، جهاز حماية المستهلك راجع الشكوى وأكّد إن من حقنا نرجع الفلوس، وبدأوا فعلاً في اتخاذ الإجراءات القانونية مفيش أي عروسة تستاهل تمر بتجربة زي دي خصوصًا في الليلة اللي قبل فرحها

محل تحفه والفستان من عندهم بتاعي وتجربتي جميله جدا والتعامل ف منتها الذوق الراقي والمنانجر حد جميل جدا وبتهدي العرايس ومكان جميل جدا والبنات اللي في ذوق جدا