قاعة فينوس – حديقة روكيت

المكان جميل و شيك و قاعدته كويسة و واسعة و الاضاءة كويسة جدا الديكور شيك بس ممكن يبقى احسن من كده السماعات صوتها ممتاز و الدي جي بيفهم في باركينج كويس للعربيات و الدخول برسوم ١٠ جنيه **الأكل مش أحسن حاجة و الميه و البيبسي مش ساقعين

قاعة أفراح مفتوحة داخل دار المدفعية للقوات المسلحه وحلوة جدا وواسعة ونظامها جميل والفيو بتاعها حلو

الافراح في حديقة المدفعية عاملة زي الافراح اللي بتتعمل في الافلام الاجنبي سواء فرح او خطوبة او كتب كتاب المكان مناسب جدا لكل المناسبات الجميلة دي، خصوصا إن فيه كل حاجة في نفس المكان، يعني ممكن تعملوا فوتو سيشن حلوة جدا باستخدام ال Locations اللي هناك خصوصاً لو هتتصوروا بالنهار الميزة إن كل حاجة هناك جديدة، الكراسي لونها دهبي فخم، الترابيزات ذوقها حلو اوي و عليها نقوش شيك اوي و فيها إضاءة جواها شكلها بيبقى حلو اوي من بعد الغروب مدخل القاعة متزين بذوق راقي جدا، لدرجة إن المعازيم بيتصوروا فيه أكتر من العريس و العروسة مكان الكوشة عامل زي المسرح اليوناني تحس إنه فرح أمير و أميرة و عاملين إضاءة ممتازة خاصة بالكوشة، وكمان تقدر تختار كل التفاصيل اللي بتحلم بيها في ليلة العمر، سواء شكل الكوشة، الزفة، DJ، دانس فلور "الاضاءة اللي فيه حلوة اوي كإنك في ديسكو"، فاير شو، سنتر بيس "قطعة الديكور اللي على كل ترابيزة" و الدخان و الليزر طبعا البوفيه من أهم الحاجات في الافراح و هو اللي بيفرق في تكلفة الفرح بشكل كبير، ممكن تختار من أول بادچيت ٣٠ جنيه للفرد: ميني بيتزا،ميني باتيه،جاتوه،بيبسي لحد الاوبن بوفيه ١٢٠ جنيه للفرد: ديك رومي، كفتة، كوردن بلو، محاشي مشكلة، كبيبة، سمبوسة، دا غير السلطات و الحلو من الاخر انت تقدر تظبط فرحك حسب ميزانيتك و الفرح اللي نفسك فيه بكل تفاصيله يعني الفرح هناك يتكلف كام تقريبا؟ الفرح لل 100فرد بيكلف 8500 جنيه بوفيه هاي تي ال 150 فرد ب 10آلاف و كل واحد زيادة ب 30 جنيه من المزايا إن في هناك غرفة لتجهيز العروسة، عشان تظبط الفستان براحتها و الميك اب مع ال make up artist و دي حجزها ب٤٠٠ جنيه

خدمة فوق الممتازه واداره رائعه وكل حاجه حلوه في المكان وكل شي اتفقنا عليه اتعمل اكتر من مطلوب

مناسبه فالصيف فقط لأنها قاعه مفتوحه و عيبها ان موقعها بعيد