Naqar Furniture

في البداية، كانت تجربتي مع نقار إيجابية للغاية. وصل الطلب في الموعد المحدد، وبدا الأثاث جذابًا ومتقن الصنع، مع بعض التحسينات الطفيفة التي كانت مطلوبة. لكن بعد استخدام الأثاث لبضعة أشهر، بدأت تظهر عدة مشاكل تتعلق بالجودة. بدأت المسامير تتساقط من الخزانة، وسقطت المرآة من طاولة الزينة، وكان الطلاء الأسود يتخدش بسهولة بالغة، وتدهورت جودة الأريكة بشكل أسرع بكثير مما توقعت. أثارت هذه المشاكل مخاوف جدية بشأن متانة المنتجات وجودة صناعتها. أما بالنسبة لخدمة العملاء، فرغم أن الموظفين مهذبون عمومًا، إلا أن استجابتهم بطيئة للغاية. كما أن التواصل معهم غير مريح، إذ يغيرون أرقام هواتفهم باستمرار. إضافة إلى ذلك، تُضاف رسوم نقل إضافية لكل زيارة للصيانة، حتى عندما تبدو المشاكل متعلقة بجودة المنتج. وكان أكثر ما أزعجني هو ردهم النهائي عندما سقط أحد الأدراج من الخزانة بسبب رداءة آلية السحب والدفع. قيل لي إنه إذا كان بالإمكان إصلاح المنتج، فسوف يقومون بإصلاحه، أما إذا احتاج إلى استبدال، فسيتعين عليّ دفع ثمنه بنفسي (على الرغم من ادعائهم بوجود ضمان لمدة 10 سنوات على منتجاتهم). عمومًا، على الرغم من أن التجربة الأولية كانت واعدة، إلا أن جودة الأثاث على المدى الطويل وخدمة ما بعد البيع لم ترقَ إلى مستوى التوقعات.

* تعديل في ٢٠٢٥ بعد ٣ سنين من التعامل مع شركة نقار النصابة** خلال نقلنا لأوضة السفرة أكتشفنا أن رجل البوفيه في أوضة السفرة مكسور و متصلح ب كارتون و مسامير خارجية و متلون .. أنا اللي أكتشفت ده قبل النقل يعني محصلش خلال النقل أوضة السفرة دي كانت ب ٦٥ ألف أو أكتر من ٣ سنين علشان أستلم القطعه الأساسية فيها مكسورة و متلصمة و متدارية بكل خسه و تلاعب دريسير أوضه النوم برضه أتكسرت و كانت هتداري بس شفتها وقت التركيب أنا مستوي الغش و الكذب ده متعاملتش معاه قبل كده و حقيقي أنا مش هسيب حقي ولا هسيبهم اللي خايف علي فلوسه اللي تعبان فيها بجد ميرمهاش في الأرض و يتعامل مع نقار النصابين I had the worst experience with Naqar furniture -التعامل بيكون مع شخص من الفرع هو حلقه الوصل مع المهندسين و المصنع و بالتالي الشخص ده لو مش مركز في مشاكل كتير هتحصل و ده اللي حصل معانا - حاجات كتير الرد فيها بيكون متأخر .. تم التعامل معايا في الأول مع شخص و بعدين الشخص ده أتغير بعد كده -غالبا في تسليم المعلومات الخاصه بالتعديلات في حاجات كتير موصلتش و أنا مقريتش التفاصيل بتركيز اللي أتبعت لي و دي غلطتي طبعا بس أنا كنت واثقة  أني وصلت كل المعلومات للشخص اللي قابلته يومها و معرفش أنه هيتغير بعدين -المواعيد أتغيرت كتير و كان فيه تأخير و أنا اللي بدأت أتابع لما لقيت مافيش تواصل بالرغم من حجزنا من قبلها بشهور - الحاجات كانت بتوصل المخزن جاهزه من المصنع و أطلب أشوفها كان بيتقال لي أتقفلت خلاص مينفعش نفك و تشوفيها يعني أستلم من غير ما أشوف حاجتي اللي هي By the way Full bedroom - dining room - living room يعني ألوف مدفوعه و مقدرش أشوفها قبل ما توصل لي في البيت بحجه أن الحاجات أتغلفت و مينفعش تتفك و أننا هنروح من بعض فين لو أي حاجه معجبتنيش ترجع و ممكن أشوف صور بس للحاجات و لما أصريت شفت كام حاجه بس في المخزن من تحت التغليف و خلاص الأستاذة اللي كنا بنتواصل معاها  بطلت ترد علي تيلفونها أول ما العربية طلعت من المخزن متأخرة و سابتني أتعامل مع المهزلة اللي حصلت  في التوصيل و التركيب التوصيل برضه مدفوع فيه رقم متحدد من شركة نقار والنقل هيكون مع شركة بيتم التعامل معاها علي كلامهم يعني مجبتش حد من عندي و مفروض الفريق الفني يجي ينقل و يركب .. الحاجات كانت بتترمي من العربية و تتهبد و تقع و بالصدفه مصوره ده و هو بيحصل صفر أعتناء بالخشب و أن الحاجات قابلة للكسر صفر تدريب علي تركيبها وقت طويل الدهان بتاع الحيطان أتبهدل من التراب علشان العمال مش لابسه جوانتي و غلطات متتعدش في التركيب و طريقة غير مهنية في التعامل. زوجي طلب من العمال أنهم يمشوا و يسيبوا الحاجه بعد يوم كامل مش متركبة لأنه مستحملش يشوف أهمال أكتر من كده لأن كانت رجل الدريسر أتكسرت خلاص و الحاجات مش بتتركب صح وواضح جدا جهل العمال بالطريقة الصحيحه للتركيب أنا أتواصلت مع أستاذ بيشوي و قام بالأعتذار لي يومها و أرسل طاقم جديد من العمال مع مسؤول الجودة من المصنع و تم تركيب الأوض و التعهد أن فيه صيانه و ضمان للقطع اللي أتكسرت للأسف برضه أحتاجنا نتواصل تاني علشان المفصلات سواء السرير أو الدولاب محتاجه تعديل و تاني ده أخد وقت علشان يحصل علشان الأستاذه مبتردش علينا أو مبتبلغش حد بالمواعيد. تم الأعتذار من أستاذ بيشوي و كرر أنه متضايق لنا و مش عارف إزاي يصلح كل الأخطاء دي و أشتكي من معاناته مع العمال و أنها مشكلة العماله في الأول و في الأخر هم اللي مش ملتزمين و هو ك شركة ملتزم و زعلان علي شغله أنه يبوظ بسبب حاجه تانيه(عماله اللي شغالين ف شركته مش ناس من الشارع) و كلام كتير ميخصنيش ك عميلة رايحه ل مكان غالي علشان أستلم اللي متفقة عليه مش أعاني مع العمال و حاجتي تبوظ . تم الأمضاء بالأستلام و أستلمت ورقه بالضمان مع تأكييد أن أي حاجه محتاجينها هتحصل من صيانه أو تعديل علشان تفهمنا لكل اللي حصل. تم التواصل مع أستاذ بيشوي النهارده يعني بعد خمس شهور بس من الأستلام علشان حاجتين -التنجيد بتاع الكنب سيئ و هبط و حاسين بالخشب - تغيير تنجيد فوتيه لأنه غير مطابق للأتفاق و شكله مختلف أصلا عن الset و بنحاول نتقبله و نغير مكانه و لكنه فعلا غير ملائم كان الرد أنه هيرجع للمصنع و هيشوف هيتكلف كام و يتعمل علي حسابنا علشان أحنا كنا طالبين تعديل علس الفوتيه و هو ميقدرش يعمل حاجة و كلام كده مضحك جدا غير منطقي و الكنب مستحيل يكون هبط هي بس تظبيطة خشب هتتعمل و بيأكد كأن الحاجه عنده في البيت و هو أدري بيها ردينا عليه و مسمعش الڤويس نوتس ولا رد حتي ولا بأه وعود ولا تعويض عن حرقة الدم و المجهود عن كل اللي حصل منهم كشركة  و مطلوب مني أدفع فلوس تاني علشان أصلح حاجه دفعت فيها ألوفات و هي فعلا كأنها ركنه من النجار اللي في المناصرة.

شركة محترمة جدا و مساعدة واهتمام حتي بعد الاستلام مش ندمانة ابدا اني اتعاملت معاكو و ارشحكم لاي حد بصراحة🤍🤍 شكرا بشمهندس : احمد عصام و استاذة سميرة علي مجهودكم وحسن التعامل 🏻

تجربة رائعة ودعم عملاء ممتاز. كانت سميرة محمد متعاونة للغاية وسريعة الاستجابة. أنصح بشدة بأثاث نقار.

اللهم بارك صرح محترم بقيادة مهندسين اساتذة استاذ اندرو أشرف وأستاذ حسين وأستاذ أحمد روحتلهم مخصوص من الهرم والمشوار طويل بس الشغل يستاهل بإذن الله مش أخر تعامل